லிட்ரோ சமையல் எரிவாயுவின் விலை குறைப்பு

லிட்ரோ சமையல் எரிவாயுவின் விலை இன்று (05) முதல் மேலும் குறைக்கப்படும் என்று நிறுவனத்தின் தலைவர் முதித பீரிஸ் தெரிவித்துள்ளார்.

உலக சந்தையில் விலை வீழ்ச்சியே இதற்கு காரணம் என அவர் குறிப்பிட்டுள்ளார்.

கடந்த மாதம் 08 ஆம் திகதி நள்ளிரவு முதல் நடைமுறைக்கு வரும் வகையில் சமையல் எரிவாயு சிலிண்டரின் விலை குறைக்கப்பட்டது.

விலை மாற்றத்தின் பிரகாரம் 12.5 கிலோ கிராம் லிட்ரோ எரிவாயு சிலிண்டரின் விலை 246 ரூபாயினால் குறைக்கப்பட்டுள்ளதுடன் அதன் விலை 4 ஆயிரத்து 664 ரூபாயாகும்.

5 கிலோ எடை கொண்ட லிட்ரோ எரிவாயு சிலிண்டரின் விலை 99 ரூபாயினால் குறைக்கப்பட்டு ஆயிரத்து 872 ரூபாயாக உள்ளது.

2.3 கிலோ எடை கொண்ட லிட்ரோ எரிவாயு சிலிண்டரின் விலை 45 ரூபாயினால் குறைக்கப்பட்டு 869 ரூபாயாக உள்ளது.

இன்று நள்ளிரவு முதல் 12 கிலோகிராம் வீட்டு சமையல் எரிவாயு சிலிண்டரின் விலை 180 முதல் 220 ரூபா வரை குறையும் என நிறுவனத்தின் மூத்த பேச்சாளர் ஒருவர் குறிப்பிட்டுள்ளார்.

அதன்படி புதிய எரிவாயு விலை இன்று அறிவிக்கப்படும் என அவர் கூறினார்.

இதன்படி, லிட்ரோ நிறுவனத்தின் அனைத்து சமையல் எரிவாயு சிலிண்டர்களின் விலையும் இன்று குறைக்கப்படவுள்ளது.

எரிவாயு விலை சூத்திரத்தின்படி, ஒவ்வொரு மாதமும் 5 ஆம் தேதி எரிவாயு விலை திருத்தம் செய்யப்படுகிறது.