மாடியில் இருந்து விழுந்து இளைஞர் ஒருவர் மரணம்

கெஸ்பேவ பகுதியில் உள்ள ஹோட்டல் ஒன்றின் மூன்று மாடி கட்டிடத்தின் மேல் மாடியில் இருந்து விழுந்து 26 வயதுடைய இளைஞர் ஒருவர் உயிரிழந்துள்ளதாக தெரிவிக்கப்படுகின்றது.

ஹோட்டலில் காசாளராக இருந்த இளைஞர் களுபோவில கொழும்பு தெற்கு போதனா வைத்தியசாலையில் அனுமதிக்கப்பட்ட பின்னர் நேற்று செவ்வாய்க்கிழமை உயிரிழந்துள்ளதாக பொலிஸார் தெரிவித்தனர்.

உயிரிழந்தவர் தெனிப்பிட்டிய, வரகாபிட்டிய பிரதேசத்தை சேர்ந்தவர் என்பதுடன், கடந்த இரண்டரை வருடங்களாக ஹோட்டலில் பணிபுரிந்து வந்தவர்.

நேற்று முன்தினம் இரவு 11.00 மணியளவில் ஹோட்டல் மூடப்பட்டிருந்த போதிலும் அதிகாலை 2.00 மணியளவில் தரையில் காயமடைந்த நிலையில் இளைஞனைக் கண்டதாக ஹோட்டலின் ஊழியர் ஒருவர் கெஸ்பேவ பொலிஸாரிடம் தெரிவித்ததாக பொலிஸார் தெரிவித்தனர்.

ஹோட்டல் உரிமையாளருக்கு அறிவித்ததன் பின்னர் காயமடைந்த இளைஞரை மருத்துவமனைக்கு கொண்டு சென்றதாகவும், ஆனால் அனுமதிக்கப்பட்ட பின்னர் குறித்த இளைஞன் உயிரிழந்ததாகவும் ஊழியர் மேலும் தெரிவித்தர்.

சம்பவத்திற்கு பல மணித்தியாலங்களுக்கு முன்னர் குறித்த இளைஞன் நீண்டநேரம் தொலைபேசி அழைப்பில்இருந்ததாகவும் விசாரணைகளில் தெரியவந்துள்ளது.

இச்சம்பவம் கொலையா என்பது தொடர்பில் கெஸ்பேவ பொலிஸார் விசாரணைகளை மேற்கொண்டு வருகின்றனர்