இலங்கையில் கொரோனா தொற்று மீண்டும் உயர்வு!

இன்றைய திகதிப்படி(2020-7-23) இலங்கையில் COVID-19 தொற்றால் பீடிக்கப்பட்டவர்களின் எண்ணிக்கை 2745 ஆக காணப்படுகின்றது.

கடந்த வாரத்தில் தொற்றுக்குள்ளானவர்களின் எண்ணிக்கை அதிகரித்து வந்திருந்தபோதும் நேற்று முன்தினம் எவரும் கொரோனா தொற்றுக்கு உள்ளாகி இருப்பது உறுதிப்படுத்தப்படவில்லை.

இந்நிலையில் நேற்று 15 பேர் கொரோனா தொற்றுக்கு உள்ளாகி இருப்பது உறுதிப்படுத்தப்பட்டுள்ளது. இவர்களில் 14 பேர் சவூதி அரேபியாவிலிருந்து வந்தவர்களாவர்.

இதுவரையில் COVID-19 தொற்றுக்குள்ளானவர்கள் 670 பேர் வைத்தியசாலையில் பராமரிக்கப்பட்டு வருகின்றனர்.

இதுவரையில் 2064 பேர் குணமடைந்து வைத்தியசாலையை விட்டு வெளியேறியுள்ளனர். தற்போதுவரை 11 இறப்புகள் கொரோனா காரணமாக பதிவாகியுள்ளது.

எமது செய்திகளை உடனடியாக பெற்றுக்கொள்ள எமது வைபர் சமூகத்துடன் இணையுங்கள்