அதீத திறமைகளைக் கொடுக்கும் புத ஆதித்ய யோகம்!

பொதுவாக யோகங்கள் என்பதன் அடிப்படை புரிந்திருந்தாலும் அது எம்முடைய ஜாதகத்தில் உள்ளதா என எமக்கு பார்க்க தெரிந்திருக்காது. இந்த பதிவில் உங்கள் ஜாதகத்தை அவதானித்து,குறித்த யோகங்கள் இருக்கின்றதா என நீங்களே பார்ப்பதற்க்குரிய வழிகாட்டல்களை தருகின்றோம்.

மேலே உள்ள படத்தில் காட்டப்பட்டது போல் ஜாதக கட்டம் இருக்கும். அதில் “ல” என இருக்கும் கட்டம் ஒருவரின் ஜென்ம லக்கினம் என்றும், சந்திரன் உள்ள கட்டத்தை, அவரின் ராசி எனவும் அழைப்பர்.

நீங்கள் துலாம் ராசி எனின் உங்கள் ராசி கட்டத்தை பார்க்கும் போது, துலாம் கட்டத்தில் “சந்திரன்” காணப்படும்.

மேலும் நீங்கள் உங்கள் ஜாதகத்தை அவதானிக்கும் பொதுபோது விருட்சிகத்தில் குரு இருந்தால், குருவானது லக்கினத்துக்கு 6ம் இடத்தில் உள்ளது என கூறப்படும். இலக்கினத்தை 1 என எடுத்து மணிக்கூடு முள் திசையில் எண்ண வேண்டும்.

மேலும் லக்கினத்துக்கு 5,9 ம் இடங்களை திரிகோணம் என்றும் 1,4,7,10 ஆகிய இடங்களை கேந்திரங்கள் என்றும் அழைப்பர். 6,8,12 ம் இடங்கள் மறைவு ஸ்தானங்கள் எனப்படும்.

குறித்த ராசிக்கட்டத்தில் கிரகங்கள் உச்சம்,ஆட்சி, நட்பு, பகை எனும் நிலையில் காணப்படலாம்.

தற்போது முக்கியமாக உள்ள ஒரு யோகத்தை பற்றி பார்ப்போம். அது உங்கள் ஜாதகத்தில் இருக்கின்றதா என பாருங்கள்.

புத ஆதித்ய யோகம்

இந்த யோகம் அமையப்பெற்றவர்கள் கல்வியில் மிகுந்த திறமை பெற்றவர்களாக இருப்பார்கள். கல்வி சம்பந்தப்பட்ட காரியங்களில் எல்லாம் வெற்றி பெற்றவர்களாக இருப்பர். சகல தேர்வுகளிலேயும் உயர் தேர்ச்சி பெற்று சிறந்த நிலையை அடைவர். வேலைவாய்ப்புக்கான போட்டி தேர்வுகளில் இலகுவாக வெற்றிபெறுவர்.

ஜாதகத்தில் புதன் மற்றும் சூரியன் ஒரே ராசியில் சேர்ந்து அமரும் போது இந்த யோகம் ஏற்படும்.

அதிலும் சிம்மம், மேஷம், மிதுனம், கன்னி போன்ற இராசிகளில் இந்த சேர்க்கை இருக்குமாயின் மிக பிரமாதமான பலன்களை தரும்.

இன்னுமொரு யோகத்தை பற்றி அடுத்த பதிவில் பார்க்கலாம்.

இது தொடர்பில் சந்தேகம் இருந்தால் கீழே கமெண்ட் பாக்ஸில் உங்கள் கேள்விகளை கேட்கலாம்.