கம்மி விலைக்கும் Water Proof போன் வரும்; நிரூபித்து, கெத்து காட்டும் OPPO!
ஐபி 68 திறன், 64 எம்பி குவாட் கேமராக்கள், ஸ்னாப்டிராகன் 765 ஜி SoC போன்ற பிரதான அம்சங்களுடன் ஒப்போ ரெனோ 5ஏ ஸ்மார்ட்போன் அறிமுகம் செய்யப்பட்டுள்ளது. என்ன விலை, என்னென்ன அம்சங்கள், இதோ முழு விவரங்கள்.
ஹைலைட்ஸ்:
- ஒப்போ ரெனோ 5ஏ அறிமுகம்
- ஐபி 68 நீர் மற்றும் தூசி எதிர்ப்பு ஆதரவை கொண்டுள்ளது
- உடன் 64 எம்பி குவாட் கேமராக்கள், ஸ்னாப்டிராகன் 765 ஜி SoC போன்ற பிரதான அம்சங்களையும் கொண்டுள்ளது
ஒப்போ நிறுவனத்தின் லேட்டஸ்ட் ஸ்மார்ட்போனாக அறிமுகமான ரெனோ 5ஏ மாடல் ஐபி 68 சான்றிதழோடு ஜப்பானில் அறிமுகப்படுத்தப்பட்டுள்ளது.
இந்த புதிய ஒப்போ ஸ்மார்ட்போன் குவாட் ரியர் கேமராக்களுடன் வருகிறது மற்றும் 90 ஹெர்ட்ஸ் டிஸ்ப்ளேவை கொண்டுள்ளது.
ஒப்போ ரெனோ 5A ஸ்மார்ட்போனின் மற்ற சிறப்பம்சங்களை பொறுத்தவரை, இது குவால்காம் ஸ்னாப்டிராகன் 765 ஜி SoC, 128 ஜிபி ஸ்டோரேஜ் மற்றும் ஹோல்-பஞ்ச் வடிவமைப்பு ஆகியவைகளை கொண்டுள்ளது.
இந்த ஸ்மார்ட்போன் அல்ட்ரா நைட் வீடியோ, லைவ் எச்டிஆர் மற்றும் நியான் போர்ட்ரெய்ட் போன்ற செயற்கை நுண்ணறிவு (ஏஐ) ஆதரவு அம்சங்களுடன் ப்ரீலோடட் செய்யப்பட்டுள்ளது.
மேலும் இது முன் மற்றும் பின்புற கேமராக்களிலிருந்து ஒரே நேரத்தில் வீடியோக்களைப் பதிவுசெய்யும் திறனையும் கொண்டுள்ளது.
ஒப்போ ரெனோ 5ஏ ஸ்மார்ட்போனின் விலை இன்னும் அதிகாரபூர்வக வெளியிடப்படவில்லை. இருப்பினும், இது ஜூன் தொடக்கத்தில் ஐஸ் ப்ளூ மற்றும் சில்வர் பிளாக் வண்ணங்களில் ஜப்பானில் வாங்க கிடைக்கும் என்று அறிவிக்கப்பட்டுள்ளது.
ஒப்போ ரெனோ 5ஏ ஸ்மார்ட்போன் ரெனோ 3ஏ ஸ்மார்ட்போனின் வாரிசாக வடிவமைக்கப்பட்டுள்ளது, இது கடந்த ஆண்டு இந்திய மதிப்பின்படி சுமார் ரூ.26,600 க்கு அறிமுகமானது, எனவே ஒப்போ ரெனோ 5ஏ ஸ்மார்ட்போனானது இதை விட சற்றே உயர்ந்த விலை நிர்ணயத்தை பெறலாம்.
ஆனால் எப்படி பார்த்தாலும் தற்போது சந்தையில் வாங்க கிடைக்கும் பெரும்பாலான வாட்டர் ப்ரூப் ஸ்மார்ட்போன்களை விட இது குறைவான விலை நிர்ணயத்தையே பெறும் என்பது வெளிப்படை.
– 6.5 இன்ச் ஃபுல் எச்டி + (1,080×2,400 பிக்சல்கள்) எல்டிபிஎஸ் டிஸ்ப்ளே
– 20: 9 திரை விகிதம்
– 90 ஹெர்ட்ஸ் ரெஃப்ரெஷ் ரேட்
– 180 ஹெர்ட்ஸ் டச் சாம்ப்ளிங் விகிதம்
– 405 பிபி பிக்சல் அடர்த்தி
– ஆண்ட்ராய்டு 11 அடிப்படையிலான கலர்ஓஎஸ் 11
– ஆக்டா கோர் குவால்காம் ஸ்னாப்டிராகன் 765 ஜி SoC
– 6 ஜிபி எல்பிடிடிஆர் 4 எக்ஸ் ரேம்
– குவாட் ரியர் கேமரா அமைப்பு
– எஃப் / 1.7 லென்ஸுடன் 64 மெகாபிக்சல் முதன்மை சென்சார்
– எஃப் / 2.2 அல்ட்ரா-வைட்-ஆங்கிள் லென்ஸ் கொண்ட 8 மெகாபிக்சல் செகண்டரி கேமரா சென்சார்
– எஃப் / 2.4 லென்ஸுடன் 2 மெகாபிக்சல் மோனோக்ரோம் சென்சார்
– 2 மெகாபிக்சல் மேக்ரோ ஷூட்டர்
– முன்பக்கத்தில் 16 மெகாபிக்சல் செல்பீ கேமரா சென்சார் (எஃப் / 2.0 லென்ஸ்)
– ஐபி 68 தூசி மற்றும் நீர் எதிர்ப்பு சான்றிதழ்
– 128 ஜிபி இன்டர்னல் ஸ்டோரேஜ்
– மைக்ரோ எஸ்டி கார்டு (1TB வரை) வழியாக விரிவாக்கக்கூடியது
– 5 ஜி, 4 ஜி எல்டிஇ, வைஃபை 802.11 ஏசி, ப்ளூடூத் வி 5.1, ஜிபிஎஸ் / ஏ-ஜிபிஎஸ், என்எப்சி, யூ.எஸ்.பி டைப்-சி மற்றும் 3.5 மிமீ ஹெட்ஜாக்
– பின்புறமாக பொருத்தப்பட்ட கைரேகை சென்சார்
– 4,000 எம்ஏஎச் பேட்டரி
– க்விக்சார்ஜ் மற்றும் யூ.எஸ்.பி பவர் டெலிவரி (பி.டி) தரநிலைகளில் 18W வரை பாஸ்ட் சார்ஜிங் ஆதரவு
– அளவீட்டில் 162×74.6×8.2 மிமீ
– எடையில் 182 கிராம்.
இந்த பதிவை பலர் பயனடையும் பொருட்டு கீழே உள்ள பேஸ்புக், மெசேன்ஜர், வைபர் ,வாட்ஸ்அப், டெலிகிராம் போன்ற சமுக வலைத்தள இணைப்பை அழுத்தி நண்பர்களுடனோ /நீங்கள் அங்கத்தவராயுள்ள குழுக்களுடனோ பகிர்ந்துகொள்ளுங்கள்.
