முகமாலையில் இளைஞர் ஒருவர் இராணுவத்தின் துப்பாக்கி சூட்டுக்கு பலி!
கிளிநொச்சி மாவட்டம் முகமாலை பகுதியில் இன்று மாலை ஆறுமணியளவில் இராணுவத்தினரின் துப்பாக்கி சூட்டில் இளைஞர் ஒருவர் பலியாகியுள்ளார். மணல் ஏற்றி சென்ற வாகனத்தின் மீதே இந்த தாக்குதல் இடம் பெற்றுள்ளது.
யாழ்ப்பாணம் கெட்பேலியை சேர்ந்த திரவியம் இராமலிங்கம் என்ற இருபத்து நான்கு வயது இளைஞன் பளை வைத்தியசாலையில் சேர்க்கப்பட்டு பின்னர் உயிரிழந்துள்ளார்.
இந்நிலையில் பளை வைத்தியசாலையில் பொதுமக்கள் திரண்டுள்ளதால் பதற்றமான சூழ்நிலை நிலவி வருகின்றது. மேலதிக விசாரணைகளை பளை போலீசார் மேற்கொண்டுவருகின்றனர்.
