புகழின் உச்சத்தை தரும் ‘கிரகமாலிகா” யோகம் உங்கள் ஜாதகத்தில் உள்ளதா?

பொதுவாக யோகங்கள் என்பதன் அடிப்படை புரிந்திருந்தாலும் அது எம்முடைய ஜாதகத்தில் உள்ளதா என எமக்கு பார்க்க தெரிந்திருக்காது. இந்த பதிவில் உங்கள் ஜாதகத்தை அவதானித்து,குறித்த யோகங்கள் இருக்கின்றதா என நீங்களே பார்ப்பதற்க்குரிய வழிகாட்டல்களை தருகின்றோம்.

மேலே உள்ள படத்தில் காட்டப்பட்டது போல் ஜாதக கட்டம் இருக்கும். அதில் “ல” என இருக்கும் கட்டம் ஒருவரின் ஜென்ம லக்கினம் என்றும், சந்திரன் உள்ள கட்டத்தை, அவரின் ராசி எனவும் அழைப்பர்.

நீங்கள் துலாம் ராசி எனின் உங்கள் ராசி கட்டத்தை பார்க்கும் போது, துலாம் கட்டத்தில் “சந்திரன்” காணப்படும்.

மேலும் நீங்கள் உங்கள் ஜாதகத்தை அவதானிக்கும் பொதுபோது விருட்சிகத்தில் குரு இருந்தால், குருவானது லக்கினத்துக்கு 6ம் இடத்தில் உள்ளது என கூறப்படும். இலக்கினத்தை 1 என எடுத்து மணிக்கூடு முள் திசையில் எண்ண வேண்டும்.

மேலும் லக்கினத்துக்கு 5,9 ம் இடங்களை திரிகோணம் என்றும் 1,4,7,10 ஆகிய இடங்களை கேந்திரங்கள் என்றும் அழைப்பர். 6,8,12 ம் இடங்கள் மறைவு ஸ்தானங்கள் எனப்படும்.

குறித்த ராசிக்கட்டத்தில் கிரகங்கள் உச்சம்,ஆட்சி, நட்பு, பகை எனும் நிலையில் காணப்படலாம்.

தற்போது முக்கியமாக உள்ள ஒரு யோகத்தை பற்றி பார்ப்போம். அது உங்கள் ஜாதகத்தில் இருக்கின்றதா என பாருங்கள்.

கிரகமாலிகா யோகம்

இந்த யோகம் தனது ஜாதகத்தில் அமைய பெற்றவர்கள் வாழ்க்கையின் ஒருகட்டத்தில் புகழின் உச்சிக்கே செல்வர். வாழ்க்கையில் சகல வசதிகளும் பெறுவதுடன் உயர் அந்தஸ்தை இலகுவாக அடைவார். பணத்திற்கு எவ்வித பிரச்சினையும் இருக்காது. இந்த ஜாதக அமைப்பு மிக அரிதானவர்களுக்கே அமையும்(Kirakaamaliga Yogam in Tamil).

ராகு, கேது தவிர்ந்த ஏனைய ஏழு கிரகங்களும் தொடர்ச்சியாக ஏழு வீடுகளில் இருக்குமாயின் நீங்கள் கிரகமாலிகா யோகம் பெற்ற ஜாதக அமைப்பு கொண்டவராகும்.

இன்னுமொரு யோகத்தை பற்றி அடுத்த பதிவில் பார்க்கலாம்.

இது தொடர்பில் சந்தேகம் இருந்தால் கீழே கமெண்ட் பாக்ஸில் உங்கள் கேள்விகளை கேட்கலாம்.