புதிய அமெரிக்க அதிபராகிறார் ஜோ பைடன்!

அமெரிக்க அதிபர் தேர்தலில் ஜோ பைடன் வெற்றி பெறுவதற்கான தேர்தல் சபை வாக்குகளை பெற்றுள்ளார். பெரும்பான்மைக்கு தேவையான 270 வாக்குகளின் பலத்தை கடந்து அவருக்கு 273 தேர்தல் சபை வாக்குகள் இருப்பதாக பிபிசி கணித்துள்ளது.

ஜனநாயக கட்சி வேட்பாளர் ஜோ பைடன் 273 தேர்தல் சபை வாக்குகளை பெற்று அமெரிக்க அதிபராகவதற்கான தகுதியைப் பெற்றுள்ளார்.
பென்சில்வேனியாவில் சில நிமிடங்களுக்கு முன்புதான் பைடனுக்கு சாதகமாக வெற்றி வாய்ப்பு உறுதியானது.
ஜனநாயக கட்சிக்கு ஜோர்ஜாவிலும் மெல்லிய அளவிலான முன்னேற்றம் நிலவுகிறது. அங்கு 99 சதவீத வாக்குகள் எண்ணப்பட்டுள்ளன. ஆனாலும், அங்கு மறுவாக்கு எண்ணிக்கைக்கு அதிகாரிகள் நடவடிக்கை எடுத்துள்ளனர்.
நெவாடா,அரிசோனாவில் பைடனுக்கு ஆதரவாக வாக்குகள் கிடைத்துள்ளன. இங்கு காணப்படும் முன்னேற்றம், பைடன் அதிபராவதற்கான வாய்ப்புகளை ஏற்படுத்தி வருகிறது.
ஜனநாயக கட்சித் தொண்டர்கள் இடையே வெள்ளிக்கிழமை இரவில் பேசிய ஜோ பைடன், “தேர்தலில் பதிவான வாக்கு எண்ணிக்கை முடிவுகள் ஒன்றை தெளிவாக உணர்த்துகின்றன. நாம்தான் தேர்தலில் வெல்லப்போகிறோம்” என்றார்.
அதிபர் தேர்தலில் வெற்றி பெற்றதாக ஜோ பைடன் அறிவித்துக்கொள்ளக் கூடாது என்று அதிபர் டொனால்டு டிரம்ப் ட்விட்டரில் எச்சரித்துள்ளார். என்னாலும், அவ்வாறு அறிவித்துக்கொள்ள முடியும் என்று குறிப்பிட்டுள்ளார்.
தேர்தலில் முறைகேடு நடந்துள்ளதாக குற்றம்சாட்டியுள்ள டிரம்ப் தரப்பு, பல மாகாணங்களில் வழக்கு தொடுத்துள்ளது. ஏற்கனவே அவற்றுள் சில வழக்குகள் தள்ளுபடியாகியுள்ளன.