சிறப்பு விருது பெற்ற ஜெனோசன் ராஜேஸ்வரின் குறும்படம்!

Lift அமைப்பின் ஒழுங்கமைப்பில் சுதன்ராஜ் அவர்களின் தயாரிப்பில் கதிர் அவர்களின் இயக்கத்தில் இலங்கை யாழ்ப்பாணத்தில் உருவாக்கப்பட்ட குறும்படம் #நிலம்.

ஊட்டி சர்வதேச குறுந்திரைப்பட விருது விழா போட்டியில் 35நாடுகளிலிருந்து 120ற்கும் மேற்பட்ட குறுந்திரைப்படங்கள் பங்குபற்றிய நிலையில் நிலம் குறும்படமானது சிறந்த குறும்படத்திற்கான தங்க யானை விருதை வென்றிருக்கின்றது.

தமிழக சுற்றுலாத்துறை அமைச்சர் மதிவேந்தன் மற்றும் வனத்துறை அமைச்சர் ராமச்சந்திரன் கைகளால் இவ்விருதை நிலம் குறும்படத்தின் இணை இயக்குனர் ஜெனோசன் ராஜேஸ்வர் 5.11.2021 ஊட்டி அசெம்பிளி திரையரங்கில் பெற்றிருந்தார்.

ஜெனோசன் பேசும் போது இலங்கையில் தமிழ் சினிமா அரிதாக காணப்படும் நிலையில் அங்கு நாம் குறும்படங்களையும், பாடல்களையும் மட்டுமே உருவாக்குகின்றோம், அந்த வகையில் தமிழகத்தில் இக்குறும்படத்திற்கு கிடைக்கும் மிகப்பெரிய விருது இது என தன் கைகளில் உள்ள விருதினை உயர்த்தி கூறினார்.

இலங்கையில் வர்த்தக ரீதியான முழுநீளத்திரைப்படங்களை உருவாக்கும் கனவுக்கான விருது இது என்றும் குறிப்பிட்டார்.