பாகிஸ்தானில் பேருந்துடன் லாரி மோதி ஏற்பட்ட விபத்தில் 30 பேர் உயிரிழப்பு!

பாகிஸ்தானில் பேருந்துடன் லாரி மோதி ஏற்பட்ட விபத்தில் 30 பேர் உயிரிழப்பு

பாகிஸ்தானில் பேருந்தும் லாரியும் மோதி விபத்துக்குள்ளானதில் 30 பேர் உயிரிழந்தனர். பஞ்சாப் மாகணத்தில் உள்ள தேரா காசி கான் என்ற இடத்தில் பக்ரீத்தைக் கொண்டாட தொழிலாளர்கள் பேருந்து ஒன்றில் பயணம் செய்தனர்.

அந்தப் பேருந்து சியால்கோட் என்ற இடத்திலிருந்து ராஜன்பூர் நோக்கிச் சென்று கொண்டிருந்தபோது, எதிரே வந்த லாரியுடன் மோதி சாலையோர பள்ளத்தில் கவிழ்ந்தது. இந்த விபத்தில் நிகழ்விடத்திலேயே 18 பேர் உயிரிழந்தனர்.

மேலும் படுகாயமடைந்து மருத்துவமனையில் அனுமதிக்கப்பட்டவர்களில் அடுத்தடுத்து சிலர் மரணித்ததால் உயிரிழந்தோர் எண்ணிக்கை 30 ஆக உயர்ந்தது. பேருந்து கவிழ்ந்து ஏற்பட்ட விபத்தில் 40க்கும் மேற்பட்டவர்கள் படுகாயங்களுடன் சிகிச்சை பெற்று வருகின்றனர்.

இந்த பதிவை பலர் பயனடையும் பொருட்டு கீழே உள்ள பேஸ்புக், மெசேன்ஜர், வைபர் ,வாட்ஸ்அப், டெலிகிராம் போன்ற சமுக வலைத்தள இணைப்பை அழுத்தி நண்பர்களுடனோ /நீங்கள் அங்கத்தவராயுள்ள குழுக்களுடனோ பகிர்ந்துகொள்ளுங்கள்.