வெளிநாட்டிலிருந்து விடுக்கப்பட்ட கொலை மிரட்டல்

தேர்தல்கள் ஆணைக்குழு உறுப்பினர்களுக்கு விடுக்கப்பட்ட கொலை மிரட்டல்கள் தொடர்பில் மேற்கொள்ளப்பட்ட விசாரணைகளின் போது அவர்களுக்கு விடுக்கப்பட்ட அச்சுறுத்தல்கள் வெளிநாட்டிலிருந்து வந்தவை என தெரியவந்துள்ளது.

தேர்தல் ஆணையத்தின் மூன்று உறுப்பினர்கள். எஸ்.பி. திவரத்ன, கே.பி.பி. பத்திரன மற்றும் எம்.எம். மொஹமட் ஆகியோருக்கு தமது பதவிகளை இராஜினாமா செய்யுமாறு தொலைபேசியில் எச்சரித்து கொலை மிரட்டல் விடுக்கப்பட்டுள்ளது.

சம்பவம் தொடர்பில் குற்றப் புலனாய்வுப் பிரிவினர் விசாரணைகளை மேற்கொண்டு வருவதாகவும், மூவரின் வீடுகளுக்கு ஆயுதம் ஏந்திய பொலிஸார் அனுப்பப்பட்டுள்ளதாகவும் பொலிஸ் ஊடகப் பேச்சாளர் சிரேஷ்ட பொலிஸ் அத்தியட்சகர் நிஹால் தல்துவா தெரிவித்தார்.

குற்றப் புலனாய்வுப் பிரிவினரால் மேற்கொள்ளப்பட்ட விசாரணைகளின்படி, அந்த இலக்கமானது காலி பிரதேசத்தில் வசிக்கும் ஒருவரின் பெயரில் பதிவு செய்யப்பட்டுள்ளமை தெரியவந்துள்ளது.

குறித்த தொலைபேசி எண்ணை பெற்றுக் கொண்ட நபர் தற்போது வெளிநாட்டில் உள்ளவர் என தெரியவந்துள்ளது.

வெளிநாட்டில் இருந்து வந்த அதே எண்ணை பயன்படுத்தி மிரட்டல் அழைப்புகள் மற்றும் குறுஞ்செய்திகள் அனுப்பப்பட்டதாகவும் தெரிய வந்ததுள்ளது.

இந்த விசாரணைகள் தொடர்பாக சிஐடி தொலைத்தொடர்பு ஒழுங்குமுறை ஆணைக்குழு மற்றும் இலங்கை மொபிடெல் ஆகியவற்றின் உதவியையும் கோரியுள்ளதாக அவர் மேலும் தெரிவித்துள்ளார்.