இன்று முதல் யாழ்ப்பாணத்தில் சகலருக்கும் பெட்ரோல்

தேசிய எரிபொருள் விநியோக திட்டத்திற்கு அமைவாக யாழ்ப்பாண மாவட்டத்தில் இன்று வெள்ளிக்கிழமை முதல்கட்டமாக எரிபொருள் நிலையங்களில் பெற்றோல் மற்றும் டீசல் விநியோகம் ஆரம்பிக்கப்படும் என்று மாவட்டச் செயலாளர் க.மகேசன் அறிவித்துள்ளார்.
கியூஆர் குறியீடு மூலம் எரிபொருள் விநியோகம் ஆரம்பிக்கப்படும் வரை பிரதேச செயலாளர்களின் மேற்பார்வையின் கீழ் வாகன இலக்கத்தகட்டின் கடைசி இலக்க முறையின் கீழ் எரிபொருள் விநியோகம் இடம்பெறும் என்று அவர் சுட்டிக்காட்டியுள்ளார்.

மோட்டார் சைக்கிள்களுக்கு தலா ஆயிரத்து 500 ரூபாய்க்கும் முச்சக்கர வண்டிகளுக்கு தலா 2 ஆயிரம் ரூபாய்க்கும் கார், வான் உள்ளிட்ட பெற்றோல் வாகனங்களுக்கு 7 ஆயிரம் ரூபாய்க்கும் பெற்றோல் விநியோகிக்கப்படும்.
பெற்றோல் விநியோகத்தின் போது வாகன பதிவின் கடைசி இலக்கத்தின் அடிப்படையில் கீழ்வருமாறு விநியோகம் மேற்கொள்ளப்படும்.
செவ்வாய், சனி – 0,1,2
வியாழன், ஞாயிறு- 3, 4, 5
திங்கள் புதன் வெள்ளி – 6,7,8,9

இதற்கு மேலதிகமாக QR code முழுமையாக நடைமுறைப்படுத்தப்படும் வரையில் எரிபொருள் விநியோக அட்டையில் பதிவுகள் மேற்கொள்ளப்படும்.
எரிபொருள் விநியோக அட்டையில் குறிப்பிடப்பட்ட எரிபொருள் நிலையத்திற்கு மேலதிகமாக ஏதேனும் எரிபொருள் நிலையங்களில் அவ் அட்டையைப் பயன்படுத்தி பெற்றோலை பெற்றுக்கொள்ள முடியும்.

டீசல் விநியோகம் மட்டுப்படுத்தப்பட்ட அளவில் பிரதேச செயலாளரின் மேற்பார்வையில் விநியோகிக்கப்படும்.

யாழ்ப்பாண பலநோக்கு கூட்டுறவு சங்க எரிபொருள் விற்பனை நிலையம் அத்தியாவசிய தேவைக்கென ஒதுக்கப்பட்டுள்ளது.
இதன் காரணமாக பொதுமக்கள் இவ் எரிபொருள் நிலையம் தவிர்ந்த ஏனைய எரிபொருள் நிலையங்களிருந்து எரிபொருளை பெற்றுக்கொள்ளுமாறு கேட்டுக்கொள்ளப்படுகின்றீர்கள்.

மேலும் தனியார் போக்குவரத்தில் ஈடுபடும் பேருந்துகளுக்கும் , பாடசாலை சேவையில் ஈடுபடும் வாகனங்களுக்கும் மறு அறிவித்தல் வரை இலங்கை போக்குவரத்து சபை ஊடாக தொடர்ந்து வழமைபோன்று டீசல் விநியோகம் மேற்கொள்ளப்படும் .

பொதுமக்கள் வரிசையில் காத்திராது ஊடகங்களில் வெளியிடப்பட்டுள்ள அறிவுறுத்தல்களை பின்பற்றி எரிபொருளை பெற்றுக் கொள்ளவேண்டும். விநியோக நடவடிக்கைகள் தொடர்பாக மேலான ஒத்துழைப்பு வழங்குமாறும் என்று மாவட்டச் செயலாளர் கேட்டுள்ளார்.
நாளை 21ஆம் திகதி பெற்றோல் விநியோகம் இடம்பெறும் எரிபொருள் நிரப்பு நிலையங்கள்…
பண்டத்தரிப்பு நகரில் அமைந்துள்ள பலநோக்கு கூட்டுறவுச் சங்க எரிபொருள் நிரப்பு நிலையம்.
சாவகச்சேரி நகரில் உள்ள பலநோக்கு கூட்டுறவுச் சங்க எரிபொருள் நிரப்பு நிலையம்.
மல்லாகத்தில் அமைந்துள்ள அளவெட்டி-மல்லாகம் பலநோக்கு கூட்டுறவுச் சங்க எரிபொருள் நிரப்பு நிலையம்.
யாழ்ப்பாணம் நகரில் அமைந்துள்ள பலநோக்கு கூட்டுறவுச் சங்க எரிபொருள் நிரப்பு நிலையம்.
யாழ்ப்பாணம் நகரில் அமைந்துள்ள சரவணபவன் எரிபொருள் நிரப்பு நிலையம்.
யாழ்ப்பாணம் நகரில் அமைந்துள்ள LIVERPOOLS NAVIGATION (PVT) LTD எரிபொருள் நிரப்பு நிலையம்.
யாழ்ப்பாணம் நகரில் அமைந்துள்ள ராஜன் உமையாள் எரிபொருள் நிரப்பு நிலையம்.
யாழ்ப்பாணம் நகரில் அமைந்துள்ள மார்க்பெட் எரிபொருள் நிரப்பு நிலையம்.
நெல்லியடி நகரில் அமைந்துள்ள கரவெட்டி பலநோக்கு கூட்டுறவுச் சங்க எரிபொருள் நிரப்பு நிலையம்.
மானிப்பாய் நகரில் அமைந்துள்ள பரிஸ் பலநோக்கு கூட்டுறவுச் சங்க எரிபொருள் நிரப்பு நிலையம்.
கொடிகாமத்தில் அமைந்துள்ள தென்மராட்சி பலநோக்கு கூட்டுறவுச் சங்க எரிபொருள் நிரப்பு நிலையம்.
கல்வியங்காடு பகுதியில் அமைந்துள்ள நல்லூர் பலநோக்கு கூட்டுறவுச் சங்க எரிபொருள் நிரப்பு நிலையம்.
வேலணையில் அமைந்துள்ள பலநோக்கு கூட்டுறவுச் சங்க எரிபொருள் நிரப்பு நிலையம்.
கோப்பாயில் அமைந்துள்ள ஏஎம்ரி எரிபொருள் நிரப்பு நிலையம்.
மருதனார்மடத்தில் அமைந்துள்ள தர்மவரதன் எரிபொருள் நிரப்பு நிலையம்.